TANGGAL 24 Desember 2012 kamari ieu, majalah Newsweek nu umurna geus 80 taun sarta medal di Amerika Serikat, kapaksa nutup edisi cetakna. Jadi Newsweek nu medal tanggal 24 Desember 2012 teh mengrupa edisi pamungkas. Memang henteu punah kitu-kitu wae, sabab Newsweek pindah kana media digital.
Nu jadi pananya kuring, kumaha nasib majalah-majalah Sunda samodel Mangle, Sunda Midang, jeung Cupu Manik kahareupna? Naha bakal saperti nasib Newsweek? Bakal kagerus ku robahna minat nu maca tina edisi cetak kana edisi digital?
Kamungkinan saperti kitu pasti aya. Indonesia, kaasup urang Sunda, bakal asup kana jaman digital. Media cetak bakal ditaringgalkeun ku babarina neangan bacaan dina mangpirang-pirang gadget nu praktis sarta moderen.
Jadi, ti ayeuna majalah-majalah Sunda kudu geus nyiapkeun ka palebah dinya. Kahiji nyiapkeun softwarena. Kadua, Sumber Daya Manusana. Katilu, kudu nyiptakeun pasar dina dunya digital. Percuma aya websitena ge ari euweuh nu muka atawa nu macana.
Tidak ada komentar:
Posting Komentar